Futbol bo‘yicha Germaniya Bundesligasining 32-turidan o‘rin olgan bir qator o‘yinlar 8-may, shanba kuni bo‘lib o‘tdi.
“Borussiya D” o‘z maydonida “Leypsig” bilan kuch sinashdi va 3:2 hisobida g‘alaba qozondi. Dortmundliklar safida Marko Roys va Jeydon Sancho (dubl) gol urgan bo‘lsa, mehmonlardan Lukas Klostermann va Dani Olmo o‘z hisobiga gol yozdirib qo‘ydi.
Shu tariqa “Leypsig” ushbu mag‘lubiyatdan so‘ng 1-o‘rindagi “Bavariya”ga yetib olish imkoniyatini qo‘ldan chiqardi. Natijada Myunxen klubi ketma-ket 9-marta Germaniya chempionligini qo‘lga kiritdi. Musobaqa tugashiga yana ikki tur qolgan.
“Bayer” o‘z maydonida “Verder”ni qabul qilib, 0:0 hisobidagi durangga imzo chekdi.
Bundesliga
32-tur bahslari
8-maysh, shanba
“Borussiya D” – “Leypsig” 3:2
Gollar: 1:0 – 7 Roys, 2:0 – 51 Sancho, 2:1 – 63 Klostermann, 2:2 – 77 Olmo, 3:2 – 87 Sancho.“Borussiya D”: Hits (Byurki, 46), Pishchek, Hummels, Akanji, Gerreyru, Jan, Daud (Dileyni, 60), Sancho, Reyna (Knauff, 82), Azar (Brandt, 72), Roys.
“Leypsig”: Gulachi, Henrixs (Mukiyele, 64), Orban, Klostermann (Halstenberg, 82), Upamekano, Anxelinyo (Aydara, 75), Kampl (Laymer, 75), Zabitser, Olmo, Forsberg (Klyuyvert, 64), Hvan Hi Chxan.
Ogohlantirishlar: Hummels (74), Aydara (90).
Izoh (0)