“PSJ” hujumchisi Neymar parijliklar bilan yangi shartnoma imzoladi, deya xabar qilmoqda Fabritsio Romano.
Italiyalik jurnalistga ko‘ra, braziliyalik futbolchi Parij klubi bilan shartnomani uzaytirgan. Yangi bitim 2026-yilning iyuniga qadar mo‘ljallangan bo‘ladi. Parijliklar yaqin orada kelishuv imzolanganini rasman e’lon qilishi kutilmoqda.
Neymar yangi shartnomaga ko‘ra yiliga 30 million yevro maosh oladi (soliqlardan keyin hisoblaganda). Kelishuvda “PSJ” Chempionlar Ligasida g‘olib chiqadigan bo‘lsa, Neymarga katta miqdorda bonus taqdim etilishi ko‘rsatilgan.
Neymar “PSJ”ga 2017-yilda “Barselona”dan 222 million yevro evaziga o‘tgandi.
Joriy mavsum futbolchi Fransiya chempionatida 15 ta o‘yin o‘tkazib, 7 ta gol va 4 ta golli uzatma amalga oshirdi.
Mazvuga doir:
- Hashamatli uylar, samolyot, vertolyot va mashinalar. Neymar millionlarini nimalarga sarflaydi?
- Saloh, Neymar, Mbappe va “o‘zga sayyoraliklar”ning “samoviy” boyliklari. Dunyoning eng yaxshi futbolchilari qancha daromad ko‘radi?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)