Futbol bo‘yicha Yevropa Chempionlar Ligasining 1/2 final dastlabki bahsidan o‘rin olgan o‘yinda “PSJ” va “Manchester Siti” 28-aprel, chorshanba kuni o‘zaro bahs yuritdi.
Parijda kechgan bahs tezkor gol bilan boshlandi. 15-daqiqada Markinyos burchakdan oshirilgan to‘pni boshi bilan darvozaga joylab qo‘ydi. Pep Gvardiola shogirdlari bunga ikkinchi 45 daqiqalikda Kevin de Bryuyne va Riyad Mahrezning gollari bilan javob qaytargan holda kambekni amalga oshirdi. Shu tariqa ingliz klubi safardagi bahsni o‘zi uchun qulay bo‘lgan hisobda yakunladi.
Jamoalarning yarim final doirasidagi javob bahsi 4-may sanasiga belgilangan.
YChL
1/2 final, dastlabki bahs
28-aprel, chorshanba
“PSJ” Fransiya – “Manchester Siti” Angliya 1:2
Gollar: 1:0 – 15 Markinyos, 1:1 – 64 de Bryuyne, 1:2 – 71 Mahrez.“PSJ”: Navas, Kimpembe, Bakker, Markinyos, Florensi, Guye, Verratti, Paredes (Errera, 83), di Mariya (Danilu Pereyra, 80), Mbappe, Neymar.
“Manchester Siti”: Ederson, Stounz, Uoker, Ruben Diash, Joau Kanselu (Zinchenko, 61), Bernardu Silva, Gundo‘g‘on, Foden, de Bryuyne, Mahrez, Rodri.
Ogohlantirishlar: Joau Kanselu (31), Paredes (70), Neymar (74), de Bryuyne (86).
Chetlatish: Guye (77).
Izoh (0)