Футбол бўйича Европа Чемпионлар Лигасининг 1/2 финал дастлабки баҳсидан ўрин олган ўйинда «ПСЖ» ва «Манчестер Сити» 28 апрель, чоршанба куни ўзаро баҳс юритди.
Парижда кечган баҳс тезкор гол билан бошланди. 15-дақиқада Маркиньос бурчакдан оширилган тўпни боши билан дарвозага жойлаб қўйди. Пеп Гвардиола шогирдлари бунга иккинчи 45 дақиқаликда Кевин де Брюйне ва Рияд Маҳрезнинг голлари билан жавоб қайтарган ҳолда камбэкни амалга оширди. Шу тариқа инглиз клуби сафардаги баҳсни ўзи учун қулай бўлган ҳисобда якунлади.
Жамоаларнинг ярим финал доирасидаги жавоб баҳси 4 май санасига белгиланган.
ЕЧЛ
1/2 финал, дастлабки баҳс
28 апрель, чоршанба
«ПСЖ» Франция – «Манчестер Сити» Англия 1:2
Голлар: 1:0 – 15 Маркиньос, 1:1 – 64 де Брюйне, 1:2 – 71 Маҳрез.«ПСЖ»: Навас, Кимпембе, Баккер, Маркиньос, Флоренци, Гуйе, Верратти, Паредес (Эррера, 83), ди Мария (Данилу Перейра, 80), Мбаппе, Неймар.
«Манчестер Сити»: Эдерсон, Стоунз, Уокер, Рубен Диаш, Жоау Канселу (Зинченко, 61), Бернарду Сильва, Гундўғон, Фоден, де Брюйне, Маҳрез, Родри.
Огоҳлантиришлар: Жоау Канселу (31), Паредес (70), Неймар (74), де Брюйне (86).
Четлатиш: Гуйе (77).
Изоҳ (0)