Toshkent viloyati Yangiyo‘l tumanida paxta titish uchun mo‘ljallangan uskuna 24 yoshli ishchining o‘ng oyog‘ini tortib ketdi, deb xabar beradi Tergov departamenti.
Ma’lum qilinishicha, 16-aprel kuni soat 15:30 larda tumanning “Qirsadoq” mahallasi hududida joylashgan qog‘oz ishlab chiqarish sexida ishlovchi 24 yoshli T.Ulug‘bek paxta titish uchun mo‘ljallangan “Shneg” rusumli uskunada xavfsizlik qoidalariga rioya qilgan holda ishlayotgan vaqtida, uskuna uning o‘ng oyog‘ini tortib ketgan.
Sud tibbiy ekspertizasida fuqaro T.Ulug‘bek og‘ir tan jarohatlari olgani ko‘rsatilgan.
Olib borilgan tergovga qadar tekshiruv harakatlari jarayonida mazkur sex rahbarlari va mas’ul smena boshliqlari tomonidan texnik qoidalar buzilgani, ushbu uskunada ishlash uchun yetarli xavfsizlik choralari ko‘rilmagani, xavfsizlik talablari buzilgani aniqlangan.
Mazkur holat yuzasidan Yangiyo‘l tumani IIB huzuridagi Tergov bo‘limi tomonidan Jinoyat kodeksining 257-moddasi 1-qismi (mehnatni muhofaza qilish qoidalarini buzish) bilan jinoyat ishi qo‘zg‘atilib, tegishli ekspertizalar tayinlangan.
Hozirda tergov davom etmoqda.
Izoh (0)