Surxondaryo viloyati hokimi To‘ra Bobolovning qarori bilan Jo‘rabek To‘rayev viloyat hokimining turizm, sport, madaniyat va ommaviy kommunikatsiyalar masalalari bo‘yicha o‘rinbosari etib tayinlandi. Bu haqda viloyat hokimligi matbuot xizmati xabar berdi.
Jo‘rabek To‘rayev 1984-yil Boysun tumanida tug‘ilgan. 2009-yil Termiz davlat universitetini, 2020-yil O‘zbekiston Prezidenti huzuridagi davlat boshqaruvi akademiyasini tamomlagan. Mutaxassisligi – iqtisodchi-tarmoqlar bo‘yicha.
Faoliyati davomida Surxondaryo viloyati iqtisodiyot bosh boshqarmasi bandlik, aholi turmush darajasi va iste’mol bozori bo‘limi yetakchi mutaxassisi, Surxondaryo viloyati hokimining yordamchisi, viloyat hokimligi ishlar boshqarmasi bosh mutaxassisi — qabulxona mudiri, viloyat “Oziqovqatta’minot” hududiy filiali qishloq xo‘jaligi mahsulotlarini g‘amlash va saqlash bo‘limi boshlig‘i, viloyati hokimining o‘rinbosari — viloyat investitsiyalar va tashqi savdo boshqarma boshlig‘i kotibiyati mudiri va boshqa qator lavozimlar mehnat qilgan.
Jo‘rabek To‘rayev yangi vazifaga tayinlangunga qadar viloyat hokimining turizm va sport masalalari bo‘yicha maslahatchisi lavozimida faoliyat yuritayotgan edi.
Avvalroq Ilhom Saparov Surxondaryo viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlari bo‘yicha o‘rinbosari etib tayinlangani to‘g‘risida xabar berilgandi.
Mavzuga doir:
Izoh (0)