“Narxini eshitib, hokim haydavorgandi” — deputat Doniyor G‘aniyev baland bayroqlar o‘rnatilishi haqida

Oliy Majlis deputati Doniyor G‘aniyev Qarshida balandligi 62,5 metrga teng 1,35 milliard so‘mlik bayroq o‘rnatilishiga Twitter’da munosabat bildirdi.

Uning yozishicha, Farg‘onada o‘rnatilishi kerak bo‘lgan bayroqning sarf-xarajatlarini 1 milliard so‘m atrofida narx hisoblab berilgan. Narxini eshitib, hokim haydab yuborgan, deydi u. Yakunda esa bayroq o‘rnatilish xarajatlari 100 million so‘mga ham bormagan.

https://twitter.com/MP_Ganiyev/status/1387729996899303426

Ma’lumot uchun, 2 yil avval, 2019-yili Farg‘ona viloyati hokimi Shuhrat G‘aniyev bo‘lgan. U 2020-yilning sentabr oyida bosh vazirning agrar va oziq-ovqat sohalarini rivojlantirish masalalari bo‘yicha o‘rinbosari lavozimiga tayinlandi.

Avvalroq Qashqadaryo viloyatida balandligi 62,5 metrga teng 1,35 milliard so‘mlik davlat bayrog‘i o‘rnatish rejalashtirilayotgani haqida xabar berilgan edi.