«Нархини эшитиб, ҳоким ҳайдаворганди» — депутат Дониёр Ғаниев баланд байроқлар ўрнатилиши ҳақида

Олий Мажлис депутати Дониёр Ғаниев Қаршида баландлиги 62,5 метрга тенг 1,35 миллиард сўмлик байроқ ўрнатилишига Twitter’да муносабат билдирди.

Унинг ёзишича, Фарғонада ўрнатилиши керак бўлган байроқнинг сарф-харажатларини 1 миллиард сўм атрофида нарх ҳисоблаб берилган. Нархини эшитиб, ҳоким ҳайдаб юборган, дейди у. Якунда эса байроқ ўрнатилиш харажатлари 100 миллион сўмга ҳам бормаган.

https://twitter.com/MP_Ganiyev/status/1387729996899303426

Маълумот учун, 2 йил аввал, 2019 йили Фарғона вилояти ҳокими Шуҳрат Ғаниев бўлган. У 2020 йилнинг сентябрь ойида бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тайинланди.

Аввалроқ Қашқадарё вилоятида баландлиги 62,5 метрга тенг 1,35 миллиард сўмлик давлат байроғи ўрнатиш режалаштирилаётгани ҳақида хабар берилган эди.