Varshavaning “Legiya” klubi Polsha Ekstraklassasi 2020/21-yilgi mavsumining chempioniga aylandi.
Chempionatning 27-turidan o‘rin olgan “Rakuv” va “Yagelloniya” o‘rtasidagi bahs durang bilan yakun topgach, poytaxt klubi mavsum tugashiga 3 tur qolganda chempionlik masalasini hal qildi.
“Rakuv” va “Pogon” 50 ochkodan to‘plagan, biroq ochkolar teng kelib qolgan taqdirda ham ular “Legiya”ga (59) qarshi o‘zaro o‘yinlar natijasi bo‘yicha ortda qoladi.
Shu tariqa “Legiya” Polshaning 15 karra chempioniga aylandi — bu musobaqa rekordi hisoblanadi. Bunga qadar varshavaliklar “Gurnik” va “Rux” bilan (14 tadan chempionlik) bir xil natija qayd etayotgandi.
Ma’lumot uchun, ushbu jamoa safida o‘zbekistonlik hujumchi Jasur Yaxshiboyev to‘p suradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)