Варшаванинг «Легия» клуби Польша Экстраклассаси 2020/21 йилги мавсумининг чемпионига айланди.
Чемпионатнинг 27-туридан ўрин олган «Ракув» ва «Ягеллония» ўртасидаги баҳс дуранг билан якун топгач, пойтахт клуби мавсум тугашига 3 тур қолганда чемпионлик масаласини ҳал қилди.
«Ракув» ва «Погон» 50 очкодан тўплаган, бироқ очколар тенг келиб қолган тақдирда ҳам улар «Легия»га (59) қарши ўзаро ўйинлар натижаси бўйича ортда қолади.
Шу тариқа «Легия» Польшанинг 15 карра чемпионига айланди — бу мусобақа рекорди ҳисобланади. Бунга қадар варшаваликлар «Гурник» ва «Рух» билан (14 тадан чемпионлик) бир хил натижа қайд этаётганди.
Маълумот учун, ушбу жамоа сафида ўзбекистонлик ҳужумчи Жасур Яхшибоев тўп суради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)