Polshada o‘tkazilgan boks bo‘yicha yoshlar o‘rtasidagi Jahon chempionatida oltin medalga ega chiqqan Nigina O‘ktamovaga ikki xonali uyning boshlang‘ich to‘lovi to‘lab berildi.
Nigina o‘zi tug‘ilib o‘sgan Samarqand viloyati Ishtixon tumanida tantanali ravishda kutib olingan. Tadbirda Ishtixon tumani hokimligi tomonidan sportchiga ikki xonali uyning boshlang‘ich to‘lovi to‘lab berilganligi haqidagi sertifikatni topshirildi.
Avvalroq O‘zbekiston boks federatsiyasi O‘ktamovani Nexia 3 avtomobili bilan taqdirlagan edi. Qayd etish kerak, Nigina O‘ktamova Jahon chempionligiga erishgan o‘zbekistonlik ilk ayol bokschi bo‘ldi.
Shuningdek, mazkur musobaqada bronza medalini qo‘lga kiritgan Dilfuza Bekova O‘zbekiston boks federatsiyasi Surxondaryo viloyati bo‘limi tomonidan 25 million so‘m miqdordagi pul mukofoti bilan taqdirlandi. Chorak finalga qadar yetib borgan surxondaryolik bokschi Dilshod Abdumurodov esa 10 million so‘m pul mukofotiga loyiq ko‘rilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)