Nemis tilida pandemiya bilan bog‘liq 1200 dan ortiq yangi so‘z paydo bo‘ldi

Germaniyada koronavirus pandemiyasi davrida 1200 dan ortiq yangi so‘z paydo bo‘ldi, deb yozmoqda New York Post.

“Ikkinchi jahon urushi davridan buyon koronavirus pandemiyasi kabi leksikani shunchalik keskin va tez o‘zgartira olgan hodisani eslay olmayman”, — dedi Berlin Mustaqil universitetining lingvistika professori Anatol Stefanovich.

Mangeymdagi Nemis tili instituti (IDS) yangi so‘zlar ro‘yxatini taqdim etdi.

Pandemiya davrida paydo bo‘lgan so‘zlarning bir nechtasi:

• Coronamüde — koronavirusdan ozib-to‘zish;
• Impfneid — emlanganlarga hasad qilish;
• Coronafrisur — karantin soch turmagi;
• Abstandsbier — masofaviy pivo;
• Balkonsänger — balkondagi qo‘shiqchi;
• Todesküsschen — o‘limoldi o‘pich sifatida qabul qilinadigan yonoqdan do‘stona o‘pish;
• Alltagsmaske — har kuni niqob taqish;
• Maskentrottel — burunni ochiq qoldirib, niqob taqish;
• Coronadiktatur — koronavirus diktaturasi;
• Hamsterkauf — vahima holatida oziq-ovqat sotib olish va g‘amlab qo‘yish;
• Impfzwang — majburiy vaksinatsiya;

“Til katta kuchga ega. Aniq qilib ifodalash, so‘zlarni tanlashda juda ehtiyot bo‘lish qanchalik muhim ekaniga qayta-qayta guvoh bo‘lib turibmiz. So‘zlar nafaqat mazmunni, balki hayajon va hissiyotlarni ham yetkazishi mumkin”, — deb qo‘shimcha qildi Mers.

Ma’lumot uchun, Germaniya kansleri Angela Merkel mamlakatda karantin 18-aprelgacha uzaytirilganini ma’lum qilgan edi.

Shuningdek, u mamlakatning vaksinatsiya jarayoni muvaffaqiyatli kechayotganini va “tunnel oxiridagi yorug‘lik”ka yaqinlashayotganini ta’kidlagan edi.