Немис тилида пандемия билан боғлиқ 1200 дан ортиқ янги сўз пайдо бўлди

Германияда коронавирус пандемияси даврида 1200 дан ортиқ янги сўз пайдо бўлди, деб ёзмоқда New York Post.

«Иккинчи жаҳон уруши давридан буён коронавирус пандемияси каби лексикани шунчалик кескин ва тез ўзгартира олган ҳодисани эслай олмайман», — деди Берлин Мустақил университетининг лингвистика профессори Анатоль Стефанович.

Мангеймдаги Немис тили институти (IDC) янги сўзлар рўйхатини тақдим этди.

Пандемия даврида пайдо бўлган сўзларнинг бир нечтаси:

• Coronamüde — коронавирусдан озиб-тўзиш;
• Impfneid — эмланганларга ҳасад қилиш;
• Coronafrisur — карантин соч турмаги;
• Abstandsbier — масофавий пиво;
• Balkonsänger — балкондаги қўшиқчи;
• Todesküsschen — ўлимолди ўпич сифатида қабул қилинадиган ёноқдан дўстона ўпиш;
• Alltagsmaske — ҳар куни ниқоб тақиш;
• Maskentrottel — бурунни очиқ қолдириб, ниқоб тақиш;
• Coronadiktatur — коронавирус диктатураси;
• Hamsterkauf — ваҳима ҳолатида озиқ-овқат сотиб олиш ва ғамлаб қўйиш;
• Impfzwang — мажбурий вакцинация;

«Тил катта кучга эга. Аниқ қилиб ифодалаш, сўзларни танлашда жуда эҳтиёт бўлиш қанчалик муҳим эканига қайта-қайта гувоҳ бўлиб турибмиз. Сўзлар нафақат мазмунни, балки ҳаяжон ва ҳиссиётларни ҳам етказиши мумкин», — деб қўшимча қилди Мерс.

Маълумот учун, Германия канцлери Ангела Меркель мамлакатда карантин 18 апрелгача узайтирилганини маълум қилган эди.

Шунингдек, у мамлакатнинг вакцинация жараёни муваффақиятли кечаётганини ва «туннель охиридаги ёруғлик»ка яқинлашаётганини таъкидлаган эди.