Chempionlar Ligasi. “Real” o‘z maydonida “Chelsi”ni yuta olmadi
Futbol bo‘yicha Yevropa Chempionlar Ligasining 1/2 final dastlabki bahsidan o‘rin olgan o‘yinda “Real” va “Chelsi” 27-aprel, seshanba kuni o‘zaro bahs yuritdi.
Madridda kechgan bahsning birinchi bo‘limida jamoalar bittadan gol urdi. 14-daqiqada Kristian Pulishich “Real” himoyachilarining bir-birini tushunmay qolganidan foydalanib, hisobni ochgan bo‘lsa, 29-daqiqaga kelib, Karim Benzema o‘zining qoyilmaqom zarbasi bilan muvozanatni tikladi.
Ikkinchi 45 daqiqalikda esa jamoalar har qancha urinmasin darvozalarga boshqa to‘p kiritilmadi. Shu tariqa Madridda kechgan bahsda jamoalar murosa yo‘lini tanladi.
Jamoalar o‘rtasida kechadigan javob o‘yini 5-may sanasiga belgilangan.
YChL
1/2 final, dastlabki bahs
27-aprel, seshanba
“Real Madrid” Ispaniya – “Chelsi” Angliya 1:1
Gollar: 0:1 – 14 Pulishich, 1:1 – 29 Benzema.“Real Madrid”: Kurtua, Karvaxal (Odriosola, 77), Militao, Nacho, Marselo (Asensio, 77), Kazemiro, Kroos, Vinisius Junior (Azar, 66), Modrich, Varan, Benzema (Rodrigo, 90).
“Chelsi”: Mendi, Aspilikueta (Jeyms, 67), Ryudiger, Tiago Silva, Chiluell, Maunt, Kante, Pulishich (Ziyesh, 66), Jorjinyo, Kristensen, Verner (Haverts, 66).
Ogohlantirishlar: Vinisius Junior (27), Pulishich (38), Kroos (60), Marselo (65), Varan (78), Odriosola (89).
