«ОКМК» клуби бош мураббийи Миржалол Қосимов Осиё Чемпионлар Лигаси 5-тури доирасида «Ал-Ҳилол»га қарши кечган ўйиндаги йирик мағлубиятдан (0:3) сўнг ўз фикрлари билан ўртоқлашди.
Ўйинга ўтишдан аввал мусобақадаги икки хил таассуротим ҳақида гапирмоқчиман. Ҳали мусобақа тугамади ва бизни охирги турдаги баҳс кутмоқда. Лекин бу мағлубиятдан кейин гуруҳдан чиқиш имконияти қолмади. Хурсанд қиладиган тарафи, нуфузли мусобақада қатнашдик. Бу жамоа учун катта мактаб. Шунингдек, мусобақа давомида доим бизни қўллаб-қувватлаган барча ўзбекистонлик футбол мухлисларига катта раҳмат айтаман. Иккинчи тарафи, яъни ёқмаган жиҳат бу ўзимизнинг хатолар туфайли кўплаб голларни ўтказиб юборганимиз бўлди. Ҳаёт давом этади. Бу футбол, унда кимдир ютади ва кимдир ютқазади.Бу мағлубиятдан кейин ОКМК гуруҳдан чиқиш имкониятини йўққа чиқарди.Ўйинга келадиган бўлсак, «Ал-Ҳилол» кучли ижрочиларга эга жамоа. Улар ҳақли ғалаба қозонди. Биринчи бўлимда 40-дақиқагача яхши ҳаракатландик. Лекин рикошет орқали урилган гол ва иккинчи бўлимдаги тезкор гол жамоага руҳан таъсир қилди.
Миржалол Қосимов, «ОКМК» бош мураббийи
«ОКМК» — «Ал-Ҳилол» учрашувида урилган голларни бу ерда кўриш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)