Futbol bo‘yicha Osiyo Chempionlar Ligasi guruh bosqichi 5-turi doirasida OKMK 27-aprel, seshanba kuni “Al-Hilol” bilan bahs yuritdi.
Uchrashuv Saudiya klubining yirik 3:0 hisobidagi g‘alabasi bilan yakunlandi. Lusiano Vyetto, Bafetimbi Gomis va Yosir ash-Shahronining gollari “Al-Hilol”ning g‘alabasini ta’minladi. Jamoalarning birinchi davra doirasida o‘tkazilgan o‘yinida 2:2 hisobidagi durang qayd etilgandi.
Shu tariqa Olmaliq klubi ham guruh bosqichi yakunlanishiga bir tur qolganida keyingi bosqich yo‘llanmasini qo‘lga kiritish imkoniyatidan mahrum bo‘ldi. 26-aprel kuni “Paxtakor” o‘z ishtirokini guruh bosqichida yakunlashi ma’lum bo‘lgandi.
Guruhning ikkinchi o‘yinida “Al-Hilol”ga 4 ta gol urgan “Istiqlol” “Shabob al-Ahli”dan ustun keldi. Uchrashuvdagi yagona gol Alisher Jalilov tomonidan 90+6-daqiqada urildi. “Shabob ah-Ahli” safida harakat qiladigan o‘zbekistonlik hujumchi Jaloliddin Masharipov mazkur bahsda to‘liq 90 daqiqa o‘ynadi.
5-turdan keyin A guruhidagi holat quyidagicha ko‘rinish oldi:
OChL
Guruh bosqichi, 5-tur bahsi
27-aprel, seshanba
OKMK — “Al-Hilol” 0:3
Gollar: 0:1 — 39 Vyetto, 0:2 — 47 Gomis, 0:3 — 58 ash-Shahroni.OKMK: 1.Botirali Ergashev, 20.Mirg‘iyos Sulaymonov, 15.Abbos Otaxonov, 8.Bobur Yo‘ldoshev, 2.Akrom Komilov, 23.Yovan Jokich (5.Dilshod Jo‘rayev, 57), 17.Sanjar Tursunov (4.Mirjamol Qosimov, 67), 11.Murod Toshmatov, 22.Sanjar Shoahmedov, 10.Husniddin G‘ofurov (19.Sheroz Jalolov, 70), 18.Aleksandr Kasyan (9.Zafar Polvonov, 46).
“Al-Hilol”: 1. Abdulloh al-Mayuf, 2. Muhammad al-Burayk, 5. Ali al-Bulayhi, 8. Abdulloh Otayf, 10. Lusiano Vyetto, 12. Yosir ash-Shahroni, 16. Nosir al-Dovsari, 18. Bafetimbi Gomis (11. Solih ash-Shahri, 67), 19. Andre Karilyo, 20. Jang Hyon-Su, 28. Muhammad Kanno.
Ogohlantirishlar: Kasyan 43, Kanno 58.
Izoh (0)