“PSJ” hujumchisi Neymar “Manchester Siti”ga qarshi bo‘lib o‘tadigan Chempionlar Ligasi yarim final o‘yini haqida gapirdi.
Bizni qiyin o‘yin kutmoqda. “Manchester Siti” — ajoyib raqib. Uchrashuvlar avvalgilari kabi oson bo‘lmayapti, lekin biz yana eng yaxshi o‘yinimizni namoyish etishga harakat qilamiz. O‘zimni ajoyib, baxtli his qilyapman va jamoaning finalga chiqishi uchun barcha ishni qilaman.Shuningdek, braziliyalik o‘yinoldi matbuot anjumanida o‘zi uchun birinchi o‘rinda “Oltin to‘p” emas, balki Chempionlar Ligasidagi g‘alaba turishini aytdi.Biz o‘yindan o‘yinga yaxshiroq harakat qilyapmiz. O‘tgan yili finalda yutqazgan bo‘lsak, bu yil kubokni olish uchun hamma narsani qilamiz. Biz bu yo‘nalishda astoydil harakat qilyapmiz va Chempionlar Ligasida g‘olib chiqishni juda xohlaymiz. O‘tgan yili hal qiluvchi pallada mag‘lub bo‘ldik. Ushbu mavsumda biz sezilarli darajada o‘sishga erishdik va bu yo‘lda davom etmoqdamiz.
Neymar, “PSJ” hujumchisi
“Asosiy maqsadim — “Oltin to‘p” emas, balki Chempionlar Ligasida g‘olib chiqishdir. Bu (“Oltin to‘p”) birinchi bo‘lib, xayolimga keladigan narsa emas. Ishonchim komilki, kelajakda birinchi navbatda Chempionlar Ligasida ikki-uch marotaba g‘olib chiqqanim haqida eslayman”, — deydi braziliyalik futbolchi.
Eslatib o‘tamiz, Chempionlar Ligasi yarim finalining dastlabki bahsidan o‘rin olgan “PSJ” — “Manchester Siti” o‘yini 28-aprel, chorshanba kuni bo‘lib o‘tadi. Uchrashuv Toshkent vaqti bilan 00:00 da boshlanadi. Jamoalar o‘rtasidagi javob uchrashuvi esa 4-may sanasiga belgilangan.
Izoh (0)