Erkin kurash bo‘yicha Osiyo chempioni Bekzod Abdurahmonov UFC’ga o‘tishi mumkin. Bu haqda “Olamsport” xabar qilmoqda.
O‘zbekistonlik sportchi UFC promoushenidan taklif bo‘lgani va Olimpiadadan keyin muzokaralarni davom ettirishini aytdi.
UFC’dan taklif bor. Biroq hozirda bor e’tiborimni erkin kurashga, Olimpiada o‘yinlariga qaratganman. UFC’dagilar bilan gaplashdik, ular bilan muzokaralarni Tokio—2020 Olimpiadasidan keyin davom ettirish borasida kelishib oldik.Bekzod Abdurahmonov — 1990-yil, 15-mart kuni Toshkent shahrida tug‘ilgan. U erkin kurash bo‘yicha ikki karra Osiyo o‘yinlari g‘olibi (2014, 2018-yil), ikki karra Osiyo chempioni (2015, 2017) va ikki karra Jahon chempionati bronza medali sohibi (2014, 2018) hisoblanadi. Shuningdek, sportchi Rio—2016 Olimpiya o‘yinlarida 4-o‘rinni egallagan. Bekzod 2021-yilning yozida bo‘lib o‘tadigan Tokio—2020 yozgi Olimpiya o‘yinlarida ishtirok etadi.UFC’da bir yakkakurashchi bitta jang uchun o‘rtacha 24 ming dollar gonorar oladi. Agar jangchi Olimpiya o‘yinlari chempioni yoki sovrindori bo‘lsa, u holda yaxshiroq shartlarni qo‘yishi mumkin. Bu orqali jangdan tushadigan gonorar ham oshishi mumkin. Aynan shu sabab bor e’tiborimni Olimpiadaga qaratganman.
Bekzod Abdurahmonov, kurashchi
Ma’lumot uchun, UFC promoushenida ayni damda uch nafar o‘zbekistonlik yakkakurashchi faoliyat yuritmoqda. Ular: Mahmud Murodov, Zarruh Adashev va Liliya Shokirova.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)