«Реал» ҳужумчиси Карим Бензема Чемпионлар ½ финал дастлабки баҳси доирасида «Челси»га қарши кечган 27 апрель кунги ўйинда (1:1) гол урди.
Бу франциялик футболчи учун мусобақа доирасидаги 71-гол бўлди. Бензема Чемпионлар Лигасидаги голлари сони бўйича «Реал» собиқ ҳужумчиси Рауль Гонсалесга етиб олди.
Фақат Криштиану Роналду (134 та гол), Лионель Месси (120) ва Роберт Левандовски (73) бу борада Бенземадан яхшироқ натижа қайд этган.
Бензема Роналду «Реал»ни тарк этганидан кейин ушбу мусобақада 15 та гол урди. Бу вақт ичида португалиялик форвард «Ювентус» сафида 14 та гол урган.
Бензема Ла Лига 2020/21 йилги мавсумида 29 та ўйин ўтказиб, 21 та гол ва еттита голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)