Kardiolog qorindagi yog‘dan xalos bo‘lishning ikkita oddiy usulini ma’lum qildi

Oddiy teri osti yog‘idan farqli ravishda visseral yog‘ (u tufayli qorin chiqadi) yurak xastaligi, diabetning ikkinchi turi, qon tomirlari rivojlanish xavfini oshiradi va qondagi xolesterin miqdorining yuqori bo‘lishiga sabab bo‘ladi, deya ogohlantiradi kardiologlar.

Shifokorlarning fikriga ko‘ra, visseral yog‘ ko‘proq yallig‘lanishli oqsillarni ishlab chiqaradi, natijada bunday oqsillar qon tomirlari, qon bosimi va boshqa organlar faoliyatiga salbiy ta’sir ko‘rsatadi.

Kardiologlar tanadagi qo‘shimcha santimetr ortiqcha kilogrammga qaraganda xavfli ekanidan ogohlantiradi. Ya’ni kishining chiqqan qorniga qarab uning ovqatlanish tartibi va turmush tarzi haqida bemalol bilish mumkin.

Qorindagi visseral yog‘ni yo‘qotish uchun jismoniy harakatni ko‘paytirish lozim. Buning uchun haftasiga 150 daqiqa jismoniy faoliyat bilan shug‘ullanishning o‘zi yetadi. Bularning ichida aerobik mashqlar qancha ko‘p bo‘lsa, shuncha samarali bo‘ladi. Shifokorlar tez yurish, yugurish, velosipedda sayr qilish yoki suzishni tavsiya etadi. Agar davolovchi shifokor tomonidan qarshi ko‘rsatmalar bo‘lmasa, zinalardan tez-tez chiqib tushish ham bu borada foyda beradi.

Bundan tashqari, shirin ichimliklar va shakarni ratsiondan chiqarib tashlagan ma’qul. Buning o‘rniga kletchatkaga boy mahsulotlar: jo‘xori va guruch kepagi, arpa, sitrus mevalar, olma iste’mol qilish lozim. Mutaxassislar fikricha, har o‘n gramm eriydigan kletchatka visseral yog‘ni 3,7 foizga kamaytirishi mumkin. Shuni yodda tutish kerakki, “bo‘sh” (qayta ishlangan) uglevodlar qorinda yog‘ paydo bo‘lishining asosiy sababchilaridir.