Polshada parranda grippining yirik epidemiyasi qayd etildi, bu mamlakatdagi 16 ta ma’muriy birlikdan 15 tasiga ta’sir qildi. Bu haqda “Korrespondent.net” xabar berdi.
Xabarlarga ko‘ra, hukumat olti millionga yaqin tovuq, g‘oz, kurka va o‘rdaklarni yo‘q qilishni rejalashtirmoqda.
“Biz bunday inqirozga birinchi marta duch keldik. Avvalroq epidemiyaning eng ko‘pi bilan 65 ta o‘chog‘i qayd etilgan edi, hozir esa ular 200 dan oshdi”, — dedi Polsha Parrandachilik assotsiatsiyasi vakili Anjey Danelyak.
Mutaxassislarning prognozlariga ko‘ra, ushbu epidemiya parranda go‘shti narxining oshishiga olib keladi, chunki epidemiya sababli parrandachilik sanoati katta yo‘qotishlarga duch kelmoqda. Ba’zi fermalarni yopishga to‘g‘ri keldi.
Ma’lumot uchun, fevral oyida Janubiy Koreya hududida ham uy parrandalari orasida parranda grippining yuqori patogenli shtammining 101 ta o‘chog‘i aniqlangan edi.
Shuningdek, Rossiyada parranda grippining odamga yuqishi bilan bog‘liq birinchi holat aniqlandi. Virus Rossiya janubidagi parranda fabrikasining yetti nafar xodimida qayd etilgan, u yerda 2020-yil dekabrida bir bosh parrandalar orasida parranda grippi avj olgan edi.
Mavzuga doir:
- Parranda grippi sabab Angliyada 40 mingga yaqin kurka yo‘q qilindi, Yaponiyada esa 140 mingga yaqin tovuq o‘ldiriladi
- Qozog‘istonning to‘rtta hududida parranda grippi tarqaldi
- Xitoyda cho‘chqa grippining yangi shtammi aniqlandi. U yangi pandemiyani yuzaga keltirishi mumkin
- Xitoyda parranda grippi ham keng tarqalayotgani ma’lum qilindi
Izoh (0)