Toshkentdagi Yangihayot tumanida Howo yuk mashinasi ag‘darilib, yonib ketdi. Bu haqda YHXBB matbuot xizmati xabar berdi.
Voqea 22-aprel kuni soat 11:00 larda Yangihayot tumani hududidan o‘tgan 4R-21 avtomobil yo‘lida yuz bergan. Dastlabki ma’lumotlarga ko‘ra, 1992-yilda tug‘ilgan haydovchi M.A. Howo rusumli yuk mashinasini haydab ketayotib, boshqaruvni yo‘qotgan va avtomobil ag‘darilgan. Oqibatda avtomobilning dvigatel qismida yong‘in yuzaga kelgan.
Haydovchi M.A.ga birinchi tez tibbiy yordam ko‘rsatilgan. Yong‘in bartaraf etilgan.
Holat yuzasidan Yangihayot tumani IIO FMB YHXB va FVB xodimlari tomonidan surishtiruv harakatlari olib borilib, hodisa sodir bo‘lish sabablariga aniqlik kiritilmoqda.
Avvalroq Toshkentdagi “O‘rikzor” bozori yaqinida “Zaporojets” yonib ketgani, Toshkent viloyati Yangiyo‘l tumanida yuk mashinasi yonib ketgani haqida xabar berilgan edi.
Izoh (0)