O‘zbekistonda ikki yilda 6 mingga yaqin ko‘p qavatli uylar barpo etilgan. Bu haqda ayni paytda Prezident Shavkat Mirziyoyev raisligida o‘tkazilayotgan videoselektor yig‘ilishida ta’kidlandi, deya xabar bermoqda “Daryo” muxbiri.
“Har bir vazirlik va idora rahbari o‘zi mas’ul bo‘lgan sohada aholiga xizmatlar ko‘rsatish borasidagi munosabat va yondashuvlarini mutlaqo o‘zgartirishi shart. Vazirlar o‘z sohasida xususiy sektor faoliyati uchun qonunchilik bazasini yaratishi va ruxsat berish talablarini soddalashtirishi, yangi xizmat turlarini joriy etish uchun tadbirkorlikka yo‘l ochishi zarur. Aks holda, dunyodan ortda qolib o‘tiraveramiz.
Bunda qayerda davlat korxonasi, qaysi faoliyat bo‘yicha davlat-xususiy sheriklik yoki xususiy sektor faoliyat yuritishining qoidalari aniq va lo‘nda qilib belgilanishi lozim.
Misol uchun, 2 yilda 6 mingga yaqin ko‘p qavatli uylar barpo etildi, hatto 25–30 qavatli uylar qurilmoqda. Lekin bu uylarning ekspluatatsiyasi va uy-joy massivlarida xizmatlarni rivojlantirish bilan kim shug‘ullanadi degan savolga hali aniq javob yo‘q.
Uy-joy va kommunal xizmat ko‘rsatish vaziri Sherzod Hidoyatov viloyat hokimlari bilan birga 2021-yilda boshqaruv kompaniyalarini tashkil etish orqali ko‘p qavatli uylarga xizmatlar ko‘rsatish hajmini kamida 3 baravarga oshirib, 1,5 trillion so‘mga yetkazishga mas’ul bo‘ladi (o‘tgan yili 513 milliard so‘m)”, – dedi Prezident.
Mavzuga doir:
- Shavkat Mirziyoyev: “Pandemiya davrida xizmat ko‘rsatish sohasidagi tadbirkorlarni qo‘llab-quvvatlash uchun 35 trillion so‘mlik ko‘mak berildi”
- Shavkat Mirziyoyev xizmat ko‘rsatish sohasiga mas’uliyatsizlik qilgan 27 nafar rahbar lavozimidan olinib, 54 nafariga intizomiy jazo berilganini ma’lum qildi
- “Milliy bank qoshida xizmatlarni rivojlantirish bo‘yicha loyiha-tahliliy markazi tashkil etiladi” – Shavkat Mirziyoyev
Izoh (0)