OKMK klubi bosh murabbiyi Mirjalol Qosimov Osiyo Chempionlar Ligasi 3-turi doirasida “Shabob al-Ahli”ga qarshi o‘yindagi (2:1) g‘alabadan keyin o‘z fikrlari bilan o‘rtoqlashdi.
Ikki jamoaga ham g‘alaba muhim edi. Yutuq ishtiyoqida maydonga tushgandik. O‘tgan uchrashuvdagi mag‘lubiyatga qaramasdan futbolchilar o‘yinga to‘g‘ri yondashishdi va yaxshi tayyorlanib, OChL guruh bosqichidagi ilk g‘alabani tantana qildik. Bu ham kichik tarix. G‘alaba seriyasi ochilganidan xursandmiz.OKMK ushbu g‘alabadan keyin ochkolarini 4 taga yetkazib olgan holda 3-o‘rinda bormoqda. Olmaliqliklar keyingi o‘yinni ham “Shabob al-Ahli”ga qarshi o‘tkazadi.Raqib “Shabob al-Ahli” yaxshi, kurashuvchan va shiddatli futbol namoyish etadigan jamoa. O‘ylashimcha, o‘yin yaxshi darajada o‘tdi. Ikkinchi taymda jamoamiz o‘yinni kuchaytirdi va bu jihat bellashuv yakuniga borib o‘z samarasini berdi. Xursandmiz. Lekin bu g‘alabani esdan chiqarib, keyingi bahsga tayyorgarlik ko‘rish kerak. Hali hammasi oldinda.
Kambek? Men nafaqat o‘yin so‘nggida, balki, uchrashuv avvalidan oldinga intilish va g‘alaba uchun kurashishni ko‘rsatma bergandim. O‘yin so‘ngiga yaqin himoyaga o‘tirmasdan hujumga ko‘proq intilish kerakligini ta’kidlagandim. Futbolda 5 daqiqa ichida ko‘p narsa ro‘y berishi va voqealar rivoji butunlay o‘zgarib ketishi ham mumkin. Masalan, 1999-yilgi YeChL finalini eslaylik. O‘shanda “Manchester Yunayted” “Bavariya” darvozasiga qo‘shib berilgan 3 daqiqa ichida ikkita gol urib, g‘alabani ilib ketgandi. Futbolda bunday holatlar bo‘lib turadi. Shu boisdan ham qo‘shib berilgan daqiqalarni himoyada o‘tkazmasdan oldinga o‘tishni ta’kidladim. Kambeklarning siri yo‘q. Ko‘p narsa xohish va ishtiyoqqa bog‘liq. Futbolni majburan o‘ynab bo‘lmaydi.
Mirjalol Qosimov, OKMK bosh murabbiyi
OKMK—“Shabob al-Ahli” uchrashuvida urilgan gollarni bu yerda tomosha qilish mumkin — video.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)