“Qotil” Putin, AQSh bazasidagi o‘zbek askari, ikki boshli buzoqcha. 22-aprel suratlari

Rossiyaning Kommunistik partiyasi tarafdorlari Lenin tavalludining 151 yilligiga bag‘ishlangan gul qo‘yish marosimiga ketmoqda.

Foto: Getty Images

Kaliforniya shtatining Gilroy shahridagi Xollister yo‘li bo‘yida ayiq kostyumini kiyib olgan los-anjeleslik 33 yoshli Jessi Larios. U ijtimoiy tarmoqlarda mablag‘ yig‘ish maqsadida shunday kiyimda yuribdi. Jessi yig‘ilgan mablag‘larni qayerga xayriya qilishni hali bilmaydi, sayohat yakunlangandan keyin bu borada so‘rovnoma o‘tkazish niyatida.

Foto: Reuters

Amerika Qo‘shma Shtatlarining Missisipi shtatidagi Camp Shelby harbiy o‘quv bazasida bo‘lib o‘tayotgan “Ilg‘or jangchi” musobaqasida qatnashayotgan o‘zbek askari.

Foto: Mudofaa vazirligi

Nafas olishda muammosi bo‘lgan bemor Hindistonning Ahmadobod shahridagi COVID-19 kasalxonasiga olib kirilishini kutib, mashina ichida yotibdi.

Foto: Reuters

Shimoliy Makedoniyaning Lazek shahrida ikki boshli buzoq tug‘ildi. Buzoqning juft bosh suyaklari, ikki juft ko‘zi, ikkita og‘zi, bir juft qulog‘i bor va bir vaqtning o‘zida ikki og‘zi bilan sut ichadi.

Foto: Reuters

Londondagi Rossiya elchixonasi oldida rossiyalik muxolifatchi Aleksey Navalniyni qo‘llab-quvvatlash namoyishida qatnashayotgan ayol. Ayol qo‘lidagi bannerga “Putin qotil” deb yozilgan.

Foto: Reuters

Fransiyaning Sen-Pyer-de-Bresyo shahridagi kemalarni boshqarish bo‘yicha o‘quv markazida Brittany tankerining kichraytirilgan modelini Suvaysh kanalining kichik nusxasi orqali boshqarib ketayotgan Port Revel kompaniyasi rahbari Fransua Mayer.

Foto: Reuters

Tailandning Patum Tani provinsiyasidagi Dhammakaya ibodatxonasi yaqinida odamlar Yer kunida Ginnesning rekordlar kitobiga kirish uchun 330 000 dona shamni yoqdi.

Foto: Reuters

Koronavirusga chalingan bemorlar Serbiyaning Belgrad shahridagi COVID-19 kasalxonasiga aylangan “Shtark Arena” sport kompleksida davolanmoqda.

Foto: Reuters

Germaniya poytaxti Berlinda joylashgan Martin Gropius Bau muzeyida yapon rassomi Yayoi Kusamaning “Men koinotda ko‘rgan muhabbat guldastasi” retrospektiv asarini tomosha qilayotgan ayol.

Foto: AP Photo

Feadship kompaniyasining yangi Project 817 nomli superyaxtasi Shimoliy dengizga Niderlandiya kanallari orqali olib o‘tilmoqda.

Foto: CNN

Qamoqda ochlik e’lon qilgan Aleksandr Navalniyni qo‘llab-quvvatlash maqsadida Buryatiya poytaxti Ulan-Udeda o‘tkazilayotgan namoyish vaqtida politsiya karnayiga baqirayotgan ayol.

Foto: AP Photo

Baliqlar Latviyada joylashgan Venta daryosidagi 2 metrlik sharsharadan sakrab o‘tmoqda. Har bahor nasl qoldirish uchun baliqlar daryoning yuqori qismiga borishga harakat qiladi.

Foto: Reuters

Pekinda rassom va eko-faol Kong Ning Yer kunini qo‘llab-quvvatlash uchun o‘zining navbatdagi Kiss the Earth (“Yerni o‘p”) nomli libosini taqdim etdi.

Foto: AP Photo

Avstraliyaning Brisben shahridagi Extinction Rebellion ekologik harakatining namoyishida ko‘mir uyumi tagida yotgan kichkina bola aks etgan installyatsiya. Harakat faollari ko‘mir konlariga qarshi mitinglarni shahardagi bir qator ushbu sanoatda faoliyat yuritadigan kompaniyalarining korporativ ofislari oldida o‘tkazdi.

Foto: AAP

Vayrona uydagi oynada o‘zini mustaqil deb e’lon qilgan Lugansk Xalq Respublikasi jangarisi.

Foto: Reuters

Venesuela poytaxti Karakas shahridagi uy tomida yoga bilan shug‘ullanayotgan odamlar.

Foto: AP Photo

Saxalinda mahalliy aholi nasl qoldirish mavsumida Tinch okeanining qirg‘og‘iga chiqib qolgan seld baliqalarini yig‘ib yuribdi.

Foto: “TASS”

AQShning Nyu-York shahrida g‘alabani nishonlayotgan beysbol o‘yinchilari.

Foto: EPA

Xalqaro Yer kunida O‘rgimchak odam kiyimini kiygan ekofaol Indoneziyadagi plyajlarni chiqindilardan tozalamoqda.

Foto: Getty Images

Bazelda badiiy gimnastika bo‘yicha Yevropa chempionati bo‘lib o‘tmoqda.

Foto: EPA