“Paxtakor” bosh murabbiyi Piter Hyuistra Osiyo Chempionlar Ligasi 3-turi doirasida “Sharja”ga qarshi kechgan uchrashuvdagi yirik mag‘lubiyatdan (1:4) keyin o‘z fikrlari bilan o‘rtoqlashdi.
Biz uchun yomon natija. Raqibda bir futbolchi o‘yin taqdirini hal qildi. Kayo barcha ishni bajarib berdi. Endi keyingi bahs haqida o‘ylashimiz kerak. Guruhdagi holatimiz juda yomonlashdi. Endi faqat g‘alabalar bizga yordam berishi mumkin.“Sharja” yarim himoyachisi Kayo ushbu bahsda gol va golli uzatma amalga oshirishdan tashqari, jamoasining gol bilan yakunlangan barcha hujumida qatnashdi.Yuqori saviyali futbolchilarning ketishi ta’sir qiladi. Bellashuvni hal qiladigan o‘yinchilarning o‘rnini to‘ldirish qiyin. Bizda Masharipov yo‘q, endi yoshlarni o‘stirishga intilamiz. Ular shunday o‘yinlarda o‘sib boradi. O‘z kuchimizga ishonib, navbatdagi bahsga tetik holda hozirlik ko‘rishimiz zarur.
Rashidovning holatini to‘liqroq endi bilib olamiz. Umid qilamanki, u hali bizga yordam beradi.
“Sharja” guruhda juda yaxshi holatda. Lekin jamoalar deyarli yaqin saviyada va hali barcha narsa o‘zgarib ketishi mumkin.
Piter Hyuistra, “Paxtakor” bosh murabbiyi
“Paxtakor” 3-turdan keyin 2 ochko to‘plagan holda guruhda so‘nggi o‘rinni egallab turibdi. “Sharja” esa 7 ochko bilan peshqadamlikni o‘z qo‘liga olgan. “Sherlar” keyingi o‘yinni 23-aprel kuni yana BAA klubiga qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)