Boks. Bobousmon Boturov va yana uch nafar o‘zbekistonlik bokschi Gubernator Kubogini g‘alaba bilan boshladi, Sanjar Tursunov esa yutqazib qo‘ydi

Rossiyaning Sankt-Peterburg shahrida boks bo‘yicha Gubernator Kubogi—2021 musobaqasi davom etmoqda.

Musobaqaning ikkinchi kunida besh nafar o‘zbekistonlik bokschi ringga ko‘tarildi.

Nodirjon Mirzaahmedov (-49 kg) qozog‘istonlik Temirtas Jusupovga qarshi jang qilib, musobaqani g‘alaba bilan boshladi. Abdumalik Xalakov (-60 kg) esa italiyalik Franchesko Oytsaga qarshi jangda ishonchi g‘alaba qayd etdi.

Bobousmon Boturov (-69 kg) belaruslik Aleksandro Rodionovga imkon qoldirmadi. Dilshod Ro‘zmetov (-81 kg) Hindiston vakili Sumit Sangvanga qarshi jangga muvaffaqiyat qozondi.

Sanjar Tursunov (-91 kg) Belarusdan kelgan bokschi Vladimir Smyaglikov qarshiligini sindira olmadi va ilk jangdayoq musobaqa bilan xayrlashdi.

Avvalroq Mirazizbek Mirzaxalilov musobaqani g‘alaba bilan boshlagan bo‘lsa, Fanat Qahramonov dastlabki bahsda yutqazib qo‘ygandi.