“Manchester Yunayted” vitse-prezidenti Ed Vudvord o‘z lavozimini tark etadi. Bu haqda klub matbuot xizmati ma’lum qildi.
Vudvord egallab turgan lavozimidan 2021-yilning oxirida ketadi.
Menejer “Manchester Yunayted” Gleyzerlar oilasi qo‘liga o‘tgan 2005-yildan beri jamoada turli lavozimlarda ishlab keladi. 2012-yilda esa Vudvord jamoa vitse-prezidenti etib tayinlangandi.
Angliya OAVning xabariga ko‘ra, Vudvord Yevropa Superligasi bilan bog‘liq vaziyat sabab o‘z lavozimidan ajralgan. Avvalroq menejer yangi musobaqada qatnashish masalasida “Manchester Yunayted” sardori Harri Maguayr bilan tortishib qolgani xabar qilingandi.
“Manchester Yunayted” yangi loyihaning ta’sischilaridan biri edi. Biroq klub bosimlar ostida boshqa APL jamoalari qatori Yevropa Superligasidan voz kechganini ma’lum qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)