«Пахтакор» бош мураббийи Питер Ҳюистра Осиё Чемпионлар Лигаси 3-тури доирасида «Шаржа»га қарши кечган учрашувдаги йирик мағлубиятдан (1:4) кейин ўз фикрлари билан ўртоқлашди.
Биз учун ёмон натижа. Рақибда бир футболчи ўйин тақдирини ҳал қилди. Кайо барча ишни бажариб берди. Энди кейинги баҳс ҳақида ўйлашимиз керак. Гуруҳдаги ҳолатимиз жуда ёмонлашди. Энди фақат ғалабалар бизга ёрдам бериши мумкин.«Шаржа» ярим ҳимоячиси Кайо ушбу баҳсда гол ва голли узатма амалга оширишдан ташқари, жамоасининг гол билан якунланган барча ҳужумида қатнашди.Юқори савияли футболчиларнинг кетиши таъсир қилади. Беллашувни ҳал қиладиган ўйинчиларнинг ўрнини тўлдириш қийин. Бизда Машарипов йўқ, энди ёшларни ўстиришга интиламиз. Улар шундай ўйинларда ўсиб боради. Ўз кучимизга ишониб, навбатдаги баҳсга тетик ҳолда ҳозирлик кўришимиз зарур.
Рашидовнинг ҳолатини тўлиқроқ энди билиб оламиз. Умид қиламанки, у ҳали бизга ёрдам беради.
«Шаржа» гуруҳда жуда яхши ҳолатда. Лекин жамоалар деярли яқин савияда ва ҳали барча нарса ўзгариб кетиши мумкин.
Питер Ҳюистра, «Пахтакор» бош мураббийи
«Пахтакор» 3-турдан кейин 2 очко тўплаган ҳолда гуруҳда сўнгги ўринни эгаллаб турибди. «Шаржа» эса 7 очко билан пешқадамликни ўз қўлига олган. «Шерлар» кейинги ўйинни 23 апрель куни яна БАА клубига қарши ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)