Futbol bo‘yicha Osiyo Chempionlar Ligasi guruh bosqichi 3-turi doirasida “Paxtakor” 20-aprel, seshanba kuni “Sharja” bilan bahs yuritdi.
Uchrashuv tezkor gol bilan boshlandi. 9-daqiqada Kayoning jarima zarbasidan tepgan to‘pini Sanjar Quvvatov bartaraf etishda xatoga yo‘l qo‘ydi, natijada Holid Bovazir hisobni ochdi. 21-daqiqada Dragan Cheran muvozanatni tiklashga muvaffaq bo‘ldi. Ammo 27-daqiqada Kayo “Paxtakor”ning bir yo‘la uch himoyachisini osonlik bilan dog‘da qoldirib, jamoadoshi Salim Solihning gol urishiga zamin yaratib berdi. Jamoalar tanaffusga shu hisobda yo‘l oldi.
Ikkinchi 45 daqiqalikda BAA klubi yana ikki marta “sherlar” darvozasini ishg‘ol qildi. 58-daqiqada Kayo ham o‘z hisobiga gol yozdirib qo‘ydi. 62-daqiqada esa Luan Pereyra o‘yinga yakuniy nuqtani qo‘yib bergan golni urdi.
“Sharja” safida to‘p suradigan o‘zbekistonlik yarim himoyachi Otabek Shukurov mazkur bahsda to‘liq 90 daqiqa harakat qildi.
Ushbu mag‘lubiyatdan keyin “Paxtakor” 2 ochko bilan B guruhida so‘nggi o‘ringa tushib ketdi. “Sharja” esa 7 ochko bilan peshqamlik qilmoqda.
OChL
Guruh bosqichi, 3-tur
“Sharja” — “Paxtakor” 4:1
Gollar: 1:0 — 9 Bovazir, 1:1 — 26 Cheran, 2:1 — 27 Salim Solih, 3:1 — 58 Kayo, 4:1 — 62 Pereyra.“Sharja”: 40.Odil al-Husani, 4.Shahin Abdalla, 7.Kayo, 8.Muhammad Abdulbosit, 14.Holid Bovazir, 17.Ali Muhammad, 18.Abdalla G‘anim, 19.Holid Ibrohim, 23.Salim Solih, 27.Luan Pereyra, 29.Otabek Shukurov.
“Paxtakor”: 35.Sanjar Quvvatov, 34.Farrux Sayfiyev, 5.Anzur Ismoilov (23.Sherzod A’zamov, 70), 15.Yegor Krimets, 6.Ibrohimxalil Yo‘ldoshev (3.Hojiakbar Alijonov, 56), 21.Abror Ismoilov, 27.Sardor Sobirxo‘jayev (28.Diyor Xolmatov,56), 18.Hojimuhammad Erkinov, 19.Sharof Muhiddinov, 7.Sardor Rashidov (9.Eren Derdiyok,50), 10.Dragan Cheran (14.Humoyunmirzo Iminov, 70).
Ogohlantirish: Otabek Shukurov 33, Diyor Xolmatov 66.
Izoh (0)