“Manchester Yunayted” hujumchisi Meyson Grinvud Premyer Ligasi 32-turi doirasida 18-aprel kuni “Byornli”ga qarshi kechgan bahsda (3:1) ikkita gol urdi.
19 yoshli futbolchi Angliya chempionatidagi gollari sonini 15 taga yetkazib oldi. Bu orqali Grinvud 20 yoshgacha bo‘lgan vaqt ichida APLdagi gollari soni bo‘yicha Ueyn Runining rekordini takrorladi.
“Manchester Yunayted”ning boshqa hujumchisi Markus Reshford 20 yoshga qadar APLda 13 ta gol urgan.
Ma’lumot uchun, Meyson 1-oktabr kuni 20 yoshga to‘ladi. Futbolchi joriy mavsum Premyer Ligada 26 o‘yin o‘tkazib, 5 ta gol urdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)