Футбол бўйича Осиё Чемпионлар Лигаси гуруҳ босқичи 3-тури доирасида «Пахтакор» 20 апрель, сешанба куни «Шаржа» билан баҳс юритди.
Учрашув тезкор гол билан бошланди. 9-дақиқада Кайонинг жарима зарбасидан тепган тўпини Санжар Қувватов бартараф этишда хатога йўл қўйди, натижада Ҳолид Бовазир ҳисобни очди. 21-дақиқада Драган Черан мувозанатни тиклашга муваффақ бўлди. Аммо 27-дақиқада Кайо «Пахтакор»нинг бир йўла уч ҳимоячисини осонлик билан доғда қолдириб, жамоадоши Салим Солиҳнинг гол уришига замин яратиб берди. Жамоалар танаффусга шу ҳисобда йўл олди.
Иккинчи 45 дақиқаликда БАА клуби яна икки марта «шерлар» дарвозасини ишғол қилди. 58-дақиқада Кайо ҳам ўз ҳисобига гол ёздириб қўйди. 62-дақиқада эса Луан Перейра ўйинга якуний нуқтани қўйиб берган голни урди.
«Шаржа» сафида тўп сурадиган ўзбекистонлик ярим ҳимоячи Отабек Шукуров мазкур баҳсда тўлиқ 90 дақиқа ҳаракат қилди.
Ушбу мағлубиятдан кейин «Пахтакор» 2 очко билан B гуруҳида сўнгги ўринга тушиб кетди. «Шаржа» эса 7 очко билан пешқамлик қилмоқда.
ОЧЛ
Гуруҳ босқичи, 3-тур
«Шаржа» — «Пахтакор» 4:1
Голлар: 1:0 — 9 Бовазир, 1:1 — 26 Черан, 2:1 — 27 Салим Солиҳ, 3:1 — 58 Кайо, 4:1 — 62 Перейра.«Шаржа»: 40.Одил ал-Ҳусани, 4.Шаҳин Абдалла, 7.Кайо, 8.Муҳаммад Абдулбосит, 14.Ҳолид Бовазир, 17.Али Муҳаммад, 18.Абдалла Ғаним, 19.Ҳолид Иброҳим, 23.Салим Солиҳ, 27.Луан Перейра, 29.Отабек Шукуров.
«Пахтакор»: 35.Санжар Қувватов, 34.Фаррух Сайфиев, 5.Анзур Исмоилов (23.Шерзод Аъзамов, 70), 15.Егор Кримец, 6.Иброҳимхалил Йўлдошев (3.Ҳожиакбар Алижонов, 56), 21.Аброр Исмоилов, 27.Сардор Собирхўжаев (28.Диёр Холматов,56), 18.Ҳожимуҳаммад Эркинов, 19.Шароф Муҳиддинов, 7.Сардор Рашидов (9.Эрен Дердийок,50), 10.Драган Черан (14.Ҳумоюнмирзо Иминов, 70).
Огоҳлантириш: Отабек Шукуров 33, Диёр Холматов 66.
Изоҳ (0)