Namangan viloyati Pop tumanida boshqaruvni yo‘qotgan Damas haydovchisi pastlikka tushib ketdi. Bu haqda viloyati IIB axborot xizmati xabar berdi.
Ma’lum qilinishicha, 19-aprel kuni soat 23:30 larda Chodak—Xonobod—G‘urumsaroy yo‘lining Pop tumani “Xonobod” MFY hududidan o‘tgan qismida Damas rusumli avtomashinani ishonch qog‘ozi bilan boshqarib ketayotgan haydovchi harakat xavfsizligini ta’minlay olmay, yo‘lning chap tomoniga chiqib ketgan. Oqibatda haydovchi boshqaruvni yo‘qotib, pastlikka ag‘darilib tushgan.
Haydovchi og‘ir tan jarohati olib, voqea joyida vafot etgan.
Hozirda mazkur holat yuzasidan tuman IIB huzuridagi Tergov bo‘limi tomonidan tergovga qadar tekshiruv harakatlari olib borilmoqda.
Avvalroq Toshkentda Nexia va Matiz ishtirokida sodir bo‘lgan YTH oqibatida ikki kishi halok bo‘lgani, Navoiyda Nexia urib yuborgan velosiped haydovchisi shifoxonada vafot etgani, Namanganda Spark ag‘darilib ketishi oqibatida bir kishi halok bo‘lgani to‘g‘risida xabar berilgandi.
Izoh (0)