Futbol bo‘yicha O‘zbekiston Kubogi guruh bosqichining 1-turi doirasida “Bunyodkor” klubi Toshkentda hamshahari “Rubin” bilan 20-aprel, seshanba kuni o‘zaro bahsga kirishdi.
Shuhrat Maqsudov qo‘l ostidagi “Bunyodkor” nufuzi jihatidan Superliga va Pro-Ligadan keyingi o‘rinda turuvchi Birinchi Liga vakili “Rubin” darvozasiga naq javobsiz 10 ta gol urdi. Uchrashuvda Farrux Ikromov het-trik qayd etdi, Ibrohim Tomiva esa dublga erishdi. Avazbek O‘lmasaliyev, Shahboz Erkinov, Lutfulla To‘rayev, Bek Abdullayev va Rasul Yo‘ldoshev ham bittadan gol urishga muvaffaq bo‘ldi.
Shu tariqa “Bunyodkor” O‘zbekiston Kubogi tarixidagi o‘zining eng yirik g‘alabasini qo‘lga kiritdi.
“B” guruhining ikkinchi turida “Bunyodkor” o‘z uyida “So‘g‘diyona” bilan bellashadi. “Nasaf” esa o‘z maydonida “Rubin”ni sinovdan o‘tkazadi.
O‘zbekiston Kubogi“B” guruhi, 1-tur bahsi20-aprel, seshanba
“Rubin” – “Bunyodkor” 0:10
Gollar: 0:1 7 Avazbek O‘lmasaliyev, 0:2 12 Shahboz Erkinov, 0:3 — 37 Lutfulla To‘rayev, 0:4 — 57 Farrux Ikromov, 0:5 — 65 Ibrohim Tomiva, 0:6 — 68 Bek Abdullayev, 0:7 — 77 Ibrohim Tomiva, 0:8 — 79 Rasul Yo‘ldoshev, 0:9 — Farrux Ikromov, 0:10 — 90 Farrux
“Rubin”: Shohrux Raimov, Humoyunmirzo Ismoilov, Shahboz Tojiyev, Sherzod Jalilov, Mirzohid Qo‘chqorov, Alisher Azizov, Zafar Tursunov, Muzaffar Abdullayev, Doniyor Inamov, Akram Bahriddinov, Farrux Sodiqov.
“Bunyodkor”: Ravshan Yagudin, Avazbek O‘lmasaliyev, Sunnatilla Abdullajonov, Sanjar Rashidov, Farrux Ikromov, Rasul Yo‘ldoshev, Lutfulla To‘rayev, Shahboz Erkinov (Ibrohim Tomiva, 46), Bek Abdullayev, Abdulla Abdullayev, Suhrob Izzatov.
Ogohlantirishlar: Sherzod Jalilov 50, Akram Baxriddinov 78, Farruh Sodiqov 81, Mironshoh Sattorov 87.
Izoh (0)