Агар принтер танлашга тўғри келса, кўпчилигимиз энг аввало, «Лазерли принтер олиш керакми ёки пурковчи принтер?», деган саволга тўхталамиз.
Уларнинг асосий фарқи нимада?
Пурковчи принтерда сиёҳлар махсус сиёҳ йўллари орқали чоп этиш каллагига бориб тушади ва чоп этиш каллаги уларни турли хил рангдаги, минглаб микроскопик томчилар билан қоғозга сепади.
Лазерли принтерда эса фотобарабан мавжуд бўлиб, унга тасвир лазер орқали туширилади. Тонер қоғоз варағига тушгач, варақ печга юборилади. У ерда тонер том маънода қоғозда «пиширилади».
Қайси қурилма учун сарфлов материаллари арзонроқ?
Илгари лазерли принтер учун харажатлар арзонроққа тушар эди. Пурковчи принтер учун эса доимий равишда картрижлар сотиб олиш керак бўлар эди. Чунки улар кўп вақт хизмат қилмас ва шу билан бирга анча қиммат турар эди. Сўнгги ўн йил ичида вазият сезиларли даражада ўзгарди: сиёҳлар ўн баравар арзонлашди ва уларни топиш осон бўлиб қолди. Бозорда сиёҳ идиши бевосита тўлдириб бериладиган принтерлар пайдо бўлди. Уларда чоп этиш учун сарфланадиган харажат ҳам камайди, чунки бундай принтерлардаги сиёҳ идишлари катталаштирилиб, уларга 70 миллилитрли ва ҳатто ундан ҳам кўпроқ сиёҳ солиш имкони яратилди.
Масалан, монохром Epson принтерларида дастлабки мажмуадаги сиёҳ А4 саҳифадаги 11 000 та ҳужжатни чоп қилиш учун етади. Бундай ҳажмдаги ҳужжатларни чоп этиш учун лазерли принтерда унинг моделига қараб, 3-5 та картриж тонер керак бўлади. Оддийроқ қилиб айтганда, агар гап сарфлов материалларининг нархи ва ҳажми ҳақида кетадиган бўлса, сиёҳни узлуксиз узатиш тизимига эга принтерлар афзалроқ ҳисобланади.
Қайси қурилма тезроқ чоп этади?
Анъанавий пурковчи принтерлар лазерли принтерларга қараганда анча секинроқ чоп этади, лекин пурковчи принтерларга қизиб олиш учун вақт керак эмас. Шунинг учун битта, иккита ҳатто беш саҳифани бундай принтерлар нисбатан тезроқ чоп этади. Лазерли принтер эса бу вақт ичида қизиб олишга улгурмайди.
Шу билан бирга, бутун варақнинг кенглигидаги чоп этиш бошчасига эга пурковчи принтерлар ҳам мавжуд. Бундай принтерлар, масалан, Epson WorkForce Enterprise дақиқасига 100 та саҳифа тезликда чоп этади.
Хизмат кўрсатишнинг қулайлиги ва автономлик ҳақида нима дейиш мумкин?
Эътибор қаратиш керак бўлган яна бир муҳим жиҳат – бу принтерларга техник хизмат кўрсатишнинг қулайлиги ва уларнинг автономлиги. Лазерли принтерларда сиёҳ қуйиш учун махсус кўникма ва жиҳозланган хона керак бўлади. Epson пурковчи принтерларига эса мустақил сиёҳ қуйиш мумкин, яъни шунчаки сиёҳ солинувчи идишга сиёҳ қуйилади. Энди автономлик ҳақида тўхталадиган бўлсак, лазер принтерда 1 киловаттгача энергия сарфлайдиган «печ»дан фойдаланилади ва электр энергияда узилишлар бўладиган ҳолатларда улар учун кучли UPS ёки генератордан фойдаланиш керак бўлади.
Epson пурковчи принтерлари 100 ваттгача энергия сарфлайди, бу стандарт 600-800 ватт UPS’лар билан ва ҳатто инвертор орқали автомобилдаги чекиш мосламаси билан ҳам ишлаши мумкин!
Агар сиз:
- камдан-кам ҳолларда чоп этсангиз;
- кичик ҳажмдаги фақат монохром ҳужжатларни чоп этмоқчи бўлсангиз, унда сизга лазерли принтер жуда мос келади;
- битта қурилмадан фойдаланиб, нафақат монохром ҳужжатларни, балки рангли ҳужжатларни ёки фотосуратларни ҳам чоп этмоқчи бўлсангиз;
- чоп этиш харажатларини имкон қадар тежашни ва яхшигина дастлабки сиёҳ захирасига эга бўлишни хоҳласангиз;
- сиёҳ қуйиш учун вақтни тежамоқчи бўлсангиз ва жуда кўп чоп этмоқчи бўлсангиз, унда сизга пурковчи принтер мос келади.
Epson кўргазма зали қуйидаги манзилда жойлашган: Тошкент шаҳри, Кичик ҳалқа йўли кўчаси, 25 уй. (Мўлжал: аэропортдаги кўприк).
Телефон: +99871 250 03 43
Реклама ҳуқуқи асосида.
Изоҳ (0)