Eron janubida 5,8 magnitudali kuchli zilzila sodir bo‘ldi. Bu haqda Yevropa-O‘rta Yer dengizi seysmologik markazi ma’lum qilgan.
Yerosti silkinishlarining episentri 160 ming nafar aholi istiqomat qiladigan Bushir port shahridan 96 kilometr uzoqlikda shimoli-g‘arbda joylashgan. Yer silkinishining o‘chog‘i 10 kilometr chuqurlikda ekani taxmin qilinmoqda.
Shuningdek, zilziladan keyin ikkita kuchli qayta silkinish holati kuzatilgan va ularning magnitudasi mos ravishda 5 va 4,4 ballni tashkil etgan.
Tabiiy ofat oqibatida jarohatlanganlar yoki halok bo‘lganlar haqida ma’lumotlar berilmagan.
Avval aprel boshida Filippinda 200 ta zilziladan keyin Taal vulqoni uyg‘ongandi. Vulqon hududida samolyotlarning parvozi taqiqlab qo‘yilgan. Shuningdek, 9-aprelda Ruminiyada 4,5 balli zilzila sodir bo‘lgan.
13-aprelda Afg‘onistonda sodir bo‘lgan zilzila kuchi Termizda sezilgan, shu kuni yana bir yer silkinishida O‘zbekistonning qator viloyatlarida 2 ballik zilzilalar sodir bo‘lgani xabar qilingandi.
Izoh (0)