Эрон жанубида 5,8 магнитудали кучли зилзила содир бўлди. Бу ҳақда Европа-Ўрта Ер денгизи сейсмологик маркази маълум қилган.
Ерости силкинишларининг эпицентри 160 минг нафар аҳоли истиқомат қиладиган Бушир порт шаҳридан 96 километр узоқликда шимоли-ғарбда жойлашган. Ер силкинишининг ўчоғи 10 километр чуқурликда экани тахмин қилинмоқда.
Шунингдек, зилзиладан кейин иккита кучли қайта силкиниш ҳолати кузатилган ва уларнинг магнитудаси мос равишда 5 ва 4,4 баллни ташкил этган.
Табиий офат оқибатида жароҳатланганлар ёки ҳалок бўлганлар ҳақида маълумотлар берилмаган.
Аввал апрель бошида Филиппинда 200 та зилзиладан кейин Таал вулқони уйғонганди. Вулқон ҳудудида самолётларнинг парвози тақиқлаб қўйилган. Шунингдек, 9 апрелда Руминияда 4,5 балли зилзила содир бўлган.
13 апрелда Афғонистонда содир бўлган зилзила кучи Термизда сезилган, шу куни яна бир ер силкинишида Ўзбекистоннинг қатор вилоятларида 2 баллик зилзилалар содир бўлгани хабар қилинганди.
Изоҳ (0)