Испания Кубоги финалини бошқариб борадиган ҳакамлар маълум бўлди.
«Атлетик Б» ва «Барселона» ўртасидаги учрашувда валенсиялик Хуан Мартинес Мунуэра бошчилигидаги ҳакамлар гуруҳи ишлайди.
2020/21 йилги мавсумда Мунуэра каталонлар иштирокидаги иккита ўйинни бошқариб борди: «Реал»га қарши биринчи даврадаги учрашув (3:1) ва «Кадис» билан ўйин (1:1).
Октябрь ойидаги «Эль-Класико»дан кейин «Барселона» ушбу ҳакам устидан Испания футбол федерациясига шикоят хати ёзганди. Клеман Лангле ва Серхио Рамос ўртасидаги яккакурашдан кейин «Барселона» дарвозасига пенальти белгиланиши «кўк-анорранглилар» норозилигига сабаб бўлганди.
Шунингдек, Мартинес Мунуэра жорий мавсум Бильбао клуби иштирокидаги ўйинда ҳам бир марта ишлади. «Гранада»га қарши кечган баск дербисида «Атлетик» 2:1 ҳисобида ғалаба қозонганди.
Ушбу учрашувда VAR тизимига Хосе Луис Гонсалес жавоб беради. Захира ҳаками эса — Гильермо Куадра Фернандес.
Испания Кубоги финали Тошкент вақти билан 17 апрелдан 18 апрелга ўтар кечаси 00:30 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)