“Manchester Siti” Yevropa Chempionlar Ligasi chorak final javob bahsi doirasida 14-aprel kuni bo‘lib o‘tgan o‘yinda “Borussiya D”ni mag‘lub etdi (2:1) va yarim finalga chiqdi.
“Shaharliklar” Chempionlar Ligasi 2020/21-yilgi mavsumida hali mag‘lubiyatga uchramagan yagona jamoa bo‘lib turibdi. “Manchester Siti” bu vaqtga qadar 9 marta g‘alaba qozondi va bitta durang qayd etdi. To‘plar nisbati — 21:3.
“Siti” o‘z tarixida ikkinchi marta va Pep Gvardiola boshchiligida ilk bor musobaqa yarim finaliga yetib keldi. Ingliz klubi 1/8 finalda “Borussiya M”ni dog‘da qoldirgan bo‘lsa (2:0, 2:0), chorak finalda “Borussiya D” taslim etildi (2:1, 2:1).
Qayd etish joiz, Gvardiola shogirdlari musobaqaning ushbu mavsumida faqat “Portu”ni yenga olmadi. Guruh bosqichidagi safar o‘yinida nursiz durang qayd etilgandi.“Manchester Siti” yarim finalda PSJga qarshi bahs olib boradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)