«Манчестер Сити» Европа Чемпионлар Лигаси чорак финал жавоб баҳси доирасида 14 апрель куни бўлиб ўтган ўйинда «Боруссия Д»ни мағлуб этди (2:1) ва ярим финалга чиқди.
«Шаҳарликлар» Чемпионлар Лигаси 2020/21 йилги мавсумида ҳали мағлубиятга учрамаган ягона жамоа бўлиб турибди. «Манчестер Сити» бу вақтга қадар 9 марта ғалаба қозонди ва битта дуранг қайд этди. Тўплар нисбати — 21:3.
«Сити» ўз тарихида иккинчи марта ва Пеп Гвардиола бошчилигида илк бор мусобақа ярим финалига етиб келди. Инглиз клуби 1/8 финалда «Боруссия М»ни доғда қолдирган бўлса (2:0, 2:0), чорак финалда «Боруссия Д» таслим этилди (2:1, 2:1).
Қайд этиш жоиз, Гвардиола шогирдлари мусобақанинг ушбу мавсумида фақат «Порту»ни енга олмади. Гуруҳ босқичидаги сафар ўйинида нурсиз дуранг қайд этилганди.«Манчестер Сити» ярим финалда ПСЖга қарши баҳс олиб боради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)