Madridning “Real” klubi Yevropa Chempionlar Ligasi chorak final javob bahsi doirasida “Liverpul”ga qarshi kechgan o‘yinda durang qayd etdi (0:0). Madridliklar birinchi o‘yindagi g‘alaba (3:1) orqali yarim finalga chiqdi.
Madridliklar klubi Chempionlar Ligasi davrida (1992/93-yilgi mavsumdan boshlab) 14-marta musobaqa yarim finaliga yo‘l oldi. Bu YChL rekordi hisoblanadi. Undan keyingi eng yaxshi natija “Barselona” va “Bavariya”ga tegishli — ular 12 martadan yarim finalga yetib kelgan.
Bu vaqt ichida “Real” 7 marta YChL g‘olibiga aylangan — bu ham rekord natija hisoblanadi.
Zinedin Zidan shogirdlari yarim finalda “Chelsi”ga qarshi bahs olib boradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)