“Manchester Siti” Yevropa Chempionlar Ligasi chorak final javob bahsi doirasida “Borussiya D”ga qarshi kechgan 14-aprel kungi o‘yinda g‘alaba qozondi (2:1).
Uchrashuvda “shaharliklar”ning g‘alaba to‘piga Fil Foden mualliflik qildi. Bu 20 yoshli futbolchi uchun Chempionlar Ligasidagi oltinchi gol bo‘ldi. Shu tariqa Filip 21 yoshgacha bo‘lgan angliyalik futbolchilar orasida rekord natijani qayd etdi.
Bungacha eng yaxshi natija Alan Smit (“Lids”) va Jeydon Sanchoga (“Borussiya D”) tegishli edi — ular 21 yoshga qadar musobaqada 5 martadan to‘p kiritgan.
Shuningdek, Foden 21 yoshgacha bo‘lgan futbolchilar orasida Chempionlar Ligasi chorak finalining ikkala o‘yinida ham gol urgan tarixdagi ikkinchi o‘yinchi bo‘ldi. Bundan avval bu natijaga PSJ hujumchisi Kilian Mbappe erishgandi.
“Manchester Siti” yarim finalda PSJga qarshi bahs olib boradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)