“Manchester Siti” Yevropa Chempionlar Ligasi chorak final javob bahsi doirasida 14-aprel kuni bo‘lib o‘tgan o‘yinda “Borussiya D”ni mag‘lub etdi (2:1) va yarim finalga chiqdi.
“Shaharliklar” ustozi Xosep Gvardiola murabbiylik faoliyati davomida 8-marta musobaqa yarim finaliga chiqdi. Bu borada kataloniyalik mutaxassis hozirda “Tottenhem”ni boshqarayotgan Joze Mourinyoning rekordini takrorladi.
Gvardiola ilk bor 2008/09-yilgi mavsumda “Barselona” bilan YChL 1/2 finaliga chiqishni uddalagandi. Shuningdek, mutaxassis “Manchester Siti” bilan birinchi marta ushbu ko‘rsatkichni qayd etdi.
“Manchester Siti” yarim finalda PSJga qarshi bahs olib boradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)