eBay auksioni orqali 1969-yilda McLaren’ning Challenge Cup chempionatidagi g‘alabasiga bag‘ishlangan Can-Am maxsus versiyasidan o‘rin olgan noyob McLaren Senna sotuvga qo‘yildi. Atigi uch nusxada yaratilgan sportkarning biri 3 million dollarga baholanmoqda, deb xabar beradi Motor.
Can-Am seriyasidagi Britaniya superkari 2019-yilda McLaren jamoasining Canadian-American Challenge Cup’dagi muvaffaqiyati sharafida ishlab chiqarilgan. Dizaynerlar Bryus Maklaren va Denni Xalm tomonidan to‘q sariq kuzov va qora salonli M8B poyga mashinasi yordamida erishilgan 11 ta g‘alabadan ilhomlangan.
Senna Can-Am’ning o‘ziga xos jihatlaridan — kuzovining tuzilishi, to‘rtta gaz chiqarish tizimi, besh kegayli diskalari, titan qoplamali tormoz supportlari, shuningdek, poygachilarning orqa qanotlarga tushirilgan dastxati va akselerator tepkisiga maxsus versiya logotipining tushirilganida.
Ikki eshiki model to‘rt litrli V8 yordamida harakatga keladi. Senna Can-Am’da agregat 825 ot kuni taqdim etishga qodir — bu standart superkardan 25 ot kuchiga ko‘p demak. Sotuvga qo‘yilgan nusxa — McLaren tomonidan yaratilgan uch nusxaning so‘nggisi bo‘lib, u hozirga qadar 70 kilometr yo‘l bosgan.
Avvalroq norvegiyalik 78 yoshli erkak kunlik foydalanish uchun McLaren superkarini sotib olgani to‘g‘risida xabar berilgandi.
Izoh (0)