Уч нусхада ишлаб чиқарилган ноёб McLaren Senna Can-Am модели аукционга қўйилди (фото)

eBay аукциони орқали 1969 йилда McLaren’нинг Challenge Cup чемпионатидаги ғалабасига бағишланган Can-Am махсус версиясидан ўрин олган ноёб McLaren Senna сотувга қўйилди. Атиги уч нусхада яратилган спорткарнинг бири 3 миллион долларга баҳоланмоқда, деб хабар беради Motor.

Can-Am сериясидаги Британия суперкари 2019 йилда McLaren жамоасининг Canadian-American Challenge Cup’даги муваффақияти шарафида ишлаб чиқарилган. Дизайнерлар Брюс Макларен ва Дэнни Халм томонидан тўқ сариқ кузов ва қора салонли М8B пойга машинаси ёрдамида эришилган 11 та ғалабадан илҳомланган.

Senna Can-Am’нинг ўзига хос жиҳатларидан — кузовининг тузилиши, тўртта газ чиқариш тизими, беш кегайли дискалари, титан қопламали тормоз суппортлари, шунингдек, пойгачиларнинг орқа қанотларга туширилган дастхати ва акселератор тепкисига махсус версия логотипининг туширилганида.

Икки эшики модель тўрт литрли V8 ёрдамида ҳаракатга келади. Senna Can-Am’да агрегат 825 от куни тақдим этишга қодир — бу стандарт суперкардан 25 от кучига кўп демак. Сотувга қўйилган нусха — McLaren томонидан яратилган уч нусханинг сўнггиси бўлиб, у ҳозирга қадар 70 километр йўл босган.

Аввалроқ норвегиялик 78 ёшли эркак кунлик фойдаланиш учун McLaren суперкарини сотиб олгани тўғрисида хабар берилганди.