Tesla’ning hozirga qadar sotgan elektromobillari soni 1,5 mln nusxadan oshdi

Tesla kompaniyasi 2021-yil oxiriga qadar 2 million nusxa avtomobil sotishni rejalashtirmoqda, deb xabar beradi IXBT.

Ilon Maskning kompaniyasi o‘z elektromobillarini ishlab chiqarishni oshirmoqda. Germaniyadagi zavod ishga tushgach, shuningdek, Xitoydagi zavodning yana bir tarmog‘i ish boshlagach kompaniya ishlab chiqarish hamda sotish borasida yangi rekordlarni o‘rnatadi. Ammo so‘nggi chora hisobotiga qaraladigan bo‘lsa, Tesla hozirdan katta marralarni zabd etmoqda — o‘tgan vaqt ichida Tesla 1,5 milliondan ortiq avtomobil sotgan.

Sotilgan mashinalarning 950 mingdan ortig‘ini Model 3 elektromobili tashkil etmoqda. Xuddi shu platformadagi Model Y ham jadal sotilyapti: 100 mingdan ortiq. Ushbu natijada savdolar boshlanganiga bir yil to‘lmay erishilmoqda. Model S va Model X’ning kumulyativ savdolari 510 ming nusxadan oshgan.

Talab ortib borayotgani va yangi modellar ishlab chiqarilishi fonida Tesla yil oxiriga qadar sotiladigan avtomobillari sonini 2 millionga chiqarishi mumkin.

Avvalroq Tesla dunyodagi eng qimmat avtomobil kompaniyasiga aylangani to‘g‘risida xabar berilgandi.