Poyga uchun mo‘ljallangan Porsche’ning maketi haqiqiy Cayenne narxida sotuvga qo‘yiladi

Aprel oxirida Sotheby’s auksion uyi LMP1 klassiga kiruvchi Porsche 919 Hybrid prototipining onlayn-savdolarini o‘tkazadi. Bu haqiqiy avtomobil emas, balki reklama maqsadlarida yaratilgan maket hisoblanadi. Biroq shunga qaramay, uning narxi 80-120 ming yevro atrofida bo‘lishi kutilmoqda. Bu pulga haqiqiy Porsche Cayenne xarid qilish mumkin, deb yozadi Motor.

Lot izohida yozilishicha, 2014-yilda Porsche kompaniyasi 919 Hybrid’ning 13 ta maketini yaratgan. Ularning barchasi shisha plastik panellar ilingan po‘lat karkas ko‘rinishida bo‘lib, poyga mashinasining asl nusxasi hisoblanadi. Ushbu nusxalardan reklama tadbirlarida foydalanilgan, jumladan, Porsche sheriklari tomonidan: stanok ishlab chiqaruvchi DMG Mori xoldingi va podshipniklar ishlab chiqaruvchi Schaeffler Technologies kompaniyasi.

Kompaniya maketlarni yaratishda avtomatlashtirilgan loyihalashtirish tizimidan original chizmalarni olgan, Porsche Intelligent Performance livreyasini tushirishni Becker Design studiyasiga ishonib topshirgan.

Porsche tarixida 919 gibridiga alohida e’tibor qaratiladi. Birinchidan, u uch marotaba “Le-Manda 24 soat” poygalari g‘olibi bo‘lgan: 2015-, 2016- va 2017-yillar. Ikkinchidan, mashina Nyurburgringda mutlaq rekordni o‘rnatgan — 5 daqiqa-yu 19,546 soniya. 919’ning yutuqlari noyob kolleksion buyumlar bilan ham belgilangan. Masalan, so‘nggi shinalar jamlanmasi prototipi 200 ta vinil plastinkada chiqarilgan. Ularning har biriga Porsche’ning “Le-Manda 24 soat”da ishtirokiga oid 24 ta voqea yozilgan va xayriya auksioni orqali sotilgan.

Yildan yilgan Porsche 919 Hybrid konstruksiyasi biroz o‘zgarib borgan. Biroq barcha asosiy uchta variantni noodatiy gibrid konstruksiya birlashtirib turadi: ikkita energiya rekuperatsiyasi tizimiga ega 2,0 litli V4 turbomotori. Turbomotor 500 ot kuchini taqdim etishga qodir. Benzo-elektromotor esa modifikatsiyasidan kelib chiqib 800—950 ot kuchini taqdim eta oladi.

Modelning to‘rtinchi iteratsiyasi ham mavjud — 919 Hybrid Evo — u ancha ekstremal va LMP1 cheklov klasslari hisobga olinmagan holda yaratilgan. Bu kabi prototipga 720 ot kuchini taqdim etuvchi 2,0 litrli V4 dvigatel va 439 ot kuchiga ega elektromotor o‘rnatilgan.