Amerikaning Craigslist saytida Convair CV-240 samolyotining fyuzelyaji ichi uyga aylantirilgan kemper sotuvga qo‘yilgani to‘g‘risida e’lon paydo bo‘ldi, deb yozadi Motor.
Ushbu noodatiy kemperni 1980-yillarda Toni Tosta va Jeyson fon Straussenberg ismli do‘stlar qurgan. 1957-yilda ishlab chiqarilgan Convair CV-240 yo‘lovchi samolyoti fyuzelyajidagi “ortiqcha” detallar olib tashlangan va uni Fleetwood RV firmasining Pace Arrow og‘ir avtouyi shassisiga o‘rnatishgan. Mashina shassisi deyarli yuk avtomobillariniki — uch o‘qli, kuchli ramaga ega va International firmasining dizel dvigateli yordamida harakatga keladi.
E’londa konstruksiyaning turli detallari eslab o‘tilgan: motorxoumning orqa devori elektr uzatma yordamida tushirib ko‘tariladi, tom qismiga lyuk o‘rnatilgan, salonida hatto jakuzi-vanna va to‘laqonli oshxona mavjud.
Suratlarda ko‘rish mumkinki, samolyot uchuvchisining kabinasi interyeri deyarli to‘lig‘icha saqlangan: hatto rul shturval kolonkasiga o‘rnatilgan, taxometr va “avtomat” selektori — samolyotning dvigatelni boshqarish richaglari yoniga joylashtirilgan.
Mashina yaratuvchilari o‘zlarining avtouyini Andromeda deb atagan, biroq hujjat bo‘yicha u 1979-yilda ishlab chiqarilgan Pace Arrow. Sotuvchilarning ta’kidlashicha, 1990-yillarda ushbu motorxoumdan Toad the Wet Sprocket rok-guruhi Santa-Barbaradagi konsertlari vaqtida foydalangan.
2020-yilda ushbu kemper eBay orqali 99 ming dollarga qiymatida sotuvga qo‘yilgandi, biroq xaridor chiqmagan. Endilikda esa uning narxi 27 950 dollarni tashkil etmoqda.
Avvalroq Rossiyada “Buxanka” bazasida yaratilgan avtouy taqdim etilgani to‘g‘risida xabar berilgandi.
Izoh (0)