Американинг Craigslist сайтида Convair CV-240 самолётининг фюзеляжи ичи уйга айлантирилган кемпер сотувга қўйилгани тўғрисида эълон пайдо бўлди, деб ёзади Motor.
Ушбу ноодатий кемперни 1980 йилларда Тони Тоста ва Жейсон фон Страуссенберг исмли дўстлар қурган. 1957 йилда ишлаб чиқарилган Convair CV-240 йўловчи самолёти фюзеляжидаги «ортиқча» деталлар олиб ташланган ва уни Fleetwood RV фирмасининг Pace Arrow оғир автоуйи шассисига ўрнатишган. Машина шассиси деярли юк автомобиллариники — уч ўқли, кучли рамага эга ва International фирмасининг дизель двигатели ёрдамида ҳаракатга келади.
Эълонда конструкциянинг турли деталлари эслаб ўтилган: моторхоумнинг орқа девори электр узатма ёрдамида тушириб кўтарилади, том қисмига люк ўрнатилган, салонида ҳатто жакузи-ванна ва тўлақонли ошхона мавжуд.
Суратларда кўриш мумкинки, самолёт учувчисининг кабинаси интерьери деярли тўлиғича сақланган: ҳатто рул штурвал колонкасига ўрнатилган, тахометр ва «автомат» селектори — самолётнинг двигателни бошқариш ричаглари ёнига жойлаштирилган.
Машина яратувчилари ўзларининг автоуйини Андромеда деб атаган, бироқ ҳужжат бўйича у 1979 йилда ишлаб чиқарилган Pace Arrow. Сотувчиларнинг таъкидлашича, 1990 йилларда ушбу моторхоумдан Toad the Wet Sprocket рок-гуруҳи Санта-Барбарадаги концертлари вақтида фойдаланган.
2020 йилда ушбу кемпер eBay орқали 99 минг долларга қийматида сотувга қўйилганди, бироқ харидор чиқмаган. Эндиликда эса унинг нархи 27 950 долларни ташкил этмоқда.
Аввалроқ Россияда «Буханка» базасида яратилган автоуй тақдим этилгани тўғрисида хабар берилганди.
Изоҳ (0)