Prezident Shavkat Mirziyoyevning matbuot kotibi Sherzod Asadov 9-aprel, juma kuni Milliy matbuot markazida o‘tkazilgan brifingda davlat rahbarining kelayotgan haftada Pokiston Islom respublikasi bosh vaziri Imron Xon bilan videomuloqot o‘tkazishi mo‘ljallanganini ma’lum qildi, deya xabar bermoqda “Daryo” muxbiri.
“Ma’lumki, O‘zbekiston bilan Pokistonni umumiy tarix, yagona din va o‘xshash madaniyat bog‘lab turadi. Keyingi yillarda davlatlar o‘rtasidagi do‘stlik mustahkamlanib bormoqda. Pandemiyaga qaramasdan, muloqotlar va o‘zaro tashriflar faol davom ettirilmoqda. 2021-yil 8-fevral kuni Pokiston bosh vazirining maslahatchisi Abdul Razoq Dovud boshchiligidagi delegatsiya O‘zbekistonga keldi.
2020-yil yakunlariga ko‘ra, ikki tomonlama tovar ayirboshlash hajmi 123 million dollardan oshgan. O‘zbekiston savdo-iqtisodiy va transport-logistika sohalarida hamkorlikni kengaytirishdan manfaatdor”, — dedi Asadov.
Uning ta’kidlashicha, navbatdagi muloqotda ikki mamlakat o‘rtasidagi savdo-iqtisodiy va investitsiyaviy hamkorlikni rivojlantirish, Markaziy va Janubiy Osiyoni bog‘laydigan transport kommunikatsiyalarini barpo etish masalalari muhokama qilinadi.
Mavzuga doir:
- Abdulaziz Komilov Pokiston bosh vaziri Imron Xon va tashqi ishlar vaziri Shoh Mahmud Qurayshiy bilan uchrashdi
- Pokistonning Panjob viloyati gubernatori Namanganga keldi
- Toshkentni Pokiston shimoli bilan bog‘laydigan 573 kilometrlik temiryo‘l quriladi
- Shavkat Mirziyoyev Pokiston delegatsiyasini qabul qildi
Izoh (0)